मेचीनगरबाट लागुऔषधसहित एक जना पक्राउ

झापाको मेचीनगरबाट लागुऔषधसहित एक जनालाई प्रहरीले पक्राउ गरेको छ ।

बिहीबार बेलुका मेचीनगर–६ बसपार्क अगाडि सडकमा जिल्ला प्रहरी कार्यालय र इलाका प्रहरी कार्यालय काँकरभिट्टाबाट खटिएको संयुक्त प्रहरी टोलीले बिर्तामोड–४ का २१ वर्षीय रबिन चौधरीलाई लागुऔषधसहित पक्राउ गरेको हो ।

यादवमाथि शंका लागेर शरीर तलासी लिँदा जिन्स पेन्टको पछाडि बाँया गोजीभित्र लुकाई राखेको अवस्थामा लागूऔषध ब्राउनसुगरजस्तो देखिने पदार्थ र नगद २२ हजार ६ सय पक्राउ गरिएको हो । गोजीबाट प्लाष्टिकसहित २ ग्राम २८० मिलिग्राम र प्लाष्टिक बाहेक २ ग्राम भएको लागुऔषध बरामद भएको थियो ।