काठमाडौं । साताको तेस्रो दिन आज सेयर बजार परिसूचक नेप्सेमा सामान्य अंकले सुधार आएको छ। अघिल्लो दिन १२७ अंक बढेको नेप्से परिसूचक आज ६.९४ अंक बढेर २८३० अंकमा कायम भएको हो ।
आज ३ करोड ५ लाख ९९ हजार ८९० कित्ता सेयर किनबेच भए । अघिल्लो दिन १३ अर्ब १० करोडको कारोबार भएकोमा आज १३ अर्ब ५७ करोड ७१ लाखको कारोबार भएको छ ।
कुल १०६ कम्पनीको मूल्य बढ्दा १३३ को घट्यो भने ५ को स्थिर रह्यो ।
१२ कम्पनीको मूल्य १० प्रतिशत बढेको छ । एनएलजी इन्स्योरेन्स, सिन्धु विकास बैंक, मातृभूमि लघुवित्त, ग्रीन डेभलपमेन्ट बैंक, विन नेपाल लघुवित्त, मानुषी लघुवित्त, विन्ध्यबासिनी हाइड्रोपावर, इस्नर्ट हाइड्रोपावर, सप्तकोशी विकास बैंक, कर्पोरेट डेभलपमेन्ट बैंक, आत्मनिर्भर लघुवित्त, उपकार लघुवित्तको मूल्य १० प्रतिशत बढ्यो ।
यस दिन बीमा क्षेत्रमा आकर्षण देखियो । निर्जीवन बीमा समूह सबैभन्दा धेरै ४.७८ प्रतिशत बढ्यो भने जीवन बीमा समूह २.२८ प्रतिशत बढ्यो । त्यस्तै विकास बैंक १.३२, होटल तथा पर्यटन ०.६५, माइक्रोफाइनान्स ०.३६ प्रतिशत बढे ।
बैंकिङ ०.६७, फाइनान्स १.५७, हाइड्रोपावर ०.५०, लगानी ०.४४, उत्पादन ०.१४, अन्य ०.१८, ब्यापार ०.४१ प्रतिशत घटे ।
नेपाल इन्स्योरेन्स ७.७, सम्पदा लघुवित्तको ६.८, प्रभु इन्स्योरेन्सको ६.१, सानिमा रिलायन्स लाइफको ६ प्रतिशत मूल्य बढ्यो । हिमालयन पावर पार्टनरको ८.८, दोल्ती पावरको ८.४, मितेरी डेभलपमेन्ट बैंक ७.४ तथा नेपाल फाइनान्सको ५.९ प्रतिशत मूल्य घट्यो ।
कारोबार रकमका आधारमा एनएलजी इन्स्योरेन्स, गुडविल फाइनान्स, सानिमा रिलायन्स लाइफ इन्स्योरेन्स, अपी पावर र हिमालयन रिइन्स्योरेन्स क्रमशः अगाडि रहे ।
