विराटनगर । कोशी प्रदेश सरकारले जटिल रोग लागेका ५ सय बिरामीलाई आर्थिक सहायता प्रदान गरेको छ । आर्थिक सहायताका लागि २०८०-८१ मा २ हजार ७ सय जना बिरामीले स्वास्थ्य मन्त्रालयमा निवेदन दिएका थिए ।
निवेदन दिएकामध्ये जटिल रोग लागेका ५ सय जना बिरामीलाई प्रदेश सरकारले ५ करोड रुपैयाँ आर्थिक सहायता उपलब्ध गराएको स्वास्थ्य मन्त्रालयका सूचना अधिकारी डा. रविन्द्र निरौलाले बताए ।
क्यान्सर, मृगौला, पार्किन्सन्स, अल्जाइमर्स, स्पाइनल इञ्जुरी, हेड इञ्जुरी र सिकलसेन एनिमियालगायतका पाँच सय जना विरामीलाई रु एक लाखका दरले आर्थिक सहायता वितरण गरिएको हो ।
जटिल रोगका ती बिरामीलाई १ लाखका दरले आर्थिक सहायता उपलब्ध गराइएको हो । बजेट अभावका कारण अझै २ हजार २ सय बिरामीलाई आर्थिक सहायता उपलब्ध गराउन बाँकी छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
