बुधबारे । आदर्श यूवा क्लब बुद्धशान्तिद्धारा वडा दशैं, तिहार र छैठ पर्वको अवसरमा आयोजना भइरहेको हाउजी खेलमा भाइटिका दिन विषेश पुरस्कार अन्तर्गत हाउसफुल बिजेतालाई टिभिएस एनटर्क १२५ सिसि स्कुटर पुरस्कार दिइने भएको छ ।
क्लबका अध्यक्ष मात्रिका श्रेष्ठका अनुसार हाउजी खेललाई थप उत्साहजनक तथा रचनात्मक बनाउन साथै भाइटिकालाई अझ विशेष बनाउनका लागि स्कुटर पुरस्कार प्रदान गर्न लागिएको बताए ।
आदर्श यूवा क्लबद्धारा ३ दसक अघि देखि प्रत्येक वर्ष दशैंको घटस्थापनादेखि छैठ पर्व सम्म हाउजी खेल संचालन गर्दै आएको छ । हाउजी खेल चाडवाडको बेलामा मनोरञ्जनको साथ साथै साथीभाइ भेटघाट गर्ने थलो समेत बनेको छ ।
प्रत्येक साझ ७ बजेबाट सुरु हुन खेलमा झापाका बुद्धशान्ति, मेचिनगर, विर्तामोड, अर्जुुनधारा, इलामको रोङ तथा अन्य जिल्लाबाट समेत ७०० बढी हाउजी खेलप्रेमीहरुको सहभागीता रहने गरेको क्लबका उपाध्यक्ष तथा हाउजी खेल संयोजक दिपक सुब्बा थेबेले बताए ।
बुधबारे चोक बालुवाटार पछाडीको चौरमा संचालन हुने भाइटिका विशेष खेलको टिकट दर ७ सय रुपैयाँ रहेको थेबेले बताए ।
