झापाको बुद्धशान्तिमा मोटरसाइकल दुर्घटना हुँदा एक जनाको मृत्यु

 बुद्धशान्ति । झापाको बुद्धशान्ति गाउँपालिकामा मोटरसाइकल आफैँ अनियन्त्रित भई दुर्घटना हुँदा एक जनाको मृत्यु भएको छ ।

बुधबार दिउँसो ३ः२० बजे बुद्धशान्ति –१ नमूना चोकस्थित भित्री सडक खण्डमा बुधबारेबाट भोटेटारतर्फ जाँदै गरेको प्रदेश ३–०२–००५ प ७१०९ नम्बरको मोटरसाइकल आफैं अनियन्त्रित भई दुर्घटना हुँदा मोटरसाइकल चालक ३३ वर्षीय धर्मेन्द्र सिञ्जालीको उपचारको क्रममा मृत्यु भएको हो ।

दुर्घटनामा मोटरसाइकलको पछाडि सवार इलामको रोङ–१ का ३४ वर्षीय कैलाश राईको टाउको र शरीरको विभिन्न भागमा चोट लागेको र बिएण्डसी अस्पताल बिर्तामोडमा उपचार भइरहेको जिल्ला प्रहरी कार्यालय झापाले जनाएको छ ।