बिर्तामोड । पुर्व पश्चिम राजमार्गको मेचीनगर खण्डमा पैदलयात्रीलाई मोटरसाइकलले ठक्कर दिदा एकजनाको मृत्यु भएको छ । अन्य दुईजनाको गम्भिर अवस्थामा उपचार भईरहृको छ ।
मेचीनगर-१३ कालिझोडामा बिर्तामोडबाट चारआलीतर्फ जाँदै गरेको मे.६ प. ८३२० नम्बरको मोटर साईकलले पैदलयात्रीलाई ठक्कर दिएको थियो ।
दुर्घट्नामा पैदलयात्री नाम थर खुल्न नसकेको ३६ बर्षको पुरुष घाइते भएका थिए। उनको टाउकोमा गहिरो चोट लागेको थियो । बोल्न नसक्ने गरि घाइते भएका उनको उपचारका क्रममा मृत्यु भएको छ ।
दुर्घटनामा परेका मोटर साईकल चालक मेचीनगर-१३ का मन्दिप मेचेको दुबै हात र खुट्टामा चोट लागेको जिल्ला ट्राफिक प्रहरी कार्यालयले जनाएको छ । सोही मोटरसाईकलमा पछाडि बसेका सागर मेचेको टाउकोमा चोट लागेको छ । उनको गम्भिर अवस्थामा उपचार भईरहेको छ । दुर्घटनामा संलग्न मोटरसाईकल प्रहरी चौकी चारआलीको नियन्त्रणमा रहेको छ ।
