बुधबारे । आदर्श यूवा क्लब बुद्धशान्तिद्धारा आयोजना भइरहेको हाउजी खेलमा भोलि अन्तिम दिन विशेष पुरस्कार अन्तर्गत हाउसफुल बिजेतालाई बुलेट बाइक पुरस्कार दिइने भएको छ ।
क्लबका उपाध्यक्ष तथा हाउजी खेल संयोजक दिपक शुब्बा थेबेका अनुसार हाउजी खेलको समापन संगै अन्तिम दिन उक्त पुरस्कार राखिएको बताएका छन् ।
क्लबद्धारा ३ दशक अघि देखि प्रत्येक वर्ष दशैंको घटस्थापनादेखि छठ पर्वसम्म हाउजी खेल संचालन गर्दै आएको छ । हाउजी खेल चाडवाडको बेलामा मनोरञ्जनको साथ साथै साथीभाइ भेटघाट गर्ने थलो समेत बनेको छ ।
प्रत्येक साँझ ७ बजेबाट सुरु हुने खेलमा झापाको बुद्धशान्ति, मेचिनगर, विर्तामोड, अर्जुुनधारा, इलामको रोङ तथा अन्य जिल्लाबाट समेत हजार बढी हाउजी खेलप्रेमीहरुको सहभागीता रहने गरेको र भोलि हुने अन्तिम दिनको खेलको टिकट बिक्रि दिउसो ३ बजे देखि हुने र खेल सुरु बेलुका ७:३० बाट हुने क्लबका सचिव दुर्योधन सिंह राजपुत देवले बताए ।
